Little Burma in Singapore

Thein Sein i, nga maq mong dvpvt shxnt we nx

VDÈNVNG CINGGØ KAQ SHÓNGNØT LAQYÀ DVTVN LVM

Nøngmaq Rvwangrì í Vpuqrì svng nøt zàì we, mvwám kéì we ínì gø Pin mvzvnrvt dvshà nø vtshì íwe Vsvngrì svng dvbvng lám na nga taq gø døngjá vlwe íe. (ကိုယ္နွင့္စပ္ဆိုင္ေသာသူကိုကိုယ္နွင့္အမ်ွခ်စ္ေလာ့) Mongka taq vbá we írvt nøngmaq Rvwangrì gø nøt páng vshvt wá shàì nø mvzvn rvt vtshì we dvshádvré vsvng rì kaq mvréza vlu tø:ì nl dvzaq shà:ì kvt shvla na íe. Vnvmchvng Kángrì gø gvza dvzaq shìe.

PINDVP SHVNVNG CHØMRÌ VCÍL DVZÁ:RÒ

Myitkyina Myo Nam Bong mvrìng shvnvng taq vlwe ka-la-ya <37> pindvp shvnvng vlwe Chømrì Vsvngrì shvngbe November shvláshí svng shvngbe vcíl shì ràe wa Pindvp kí aming vkáng shvlv:ngaq ma wa Myitkyina kí Vsvng tiqgø shønwe íe. 37 pindvp shvnvng Chømrì, Karim chømrì,Shøngbin jakrì, shvngbe November 30 ni lvngdøm vcíl shì ràe wa shønwe íe. Pindvp gorhøm gait 500 pa chøm gø vlmvdvq. Rvmá wa Vsvng Vbø kvt shvla e. Vm rvda shvla e. nar shì lám Rvmá shvrvt wá mvdaq. Yaqdø:ngí yøp mvdaq. wa shønwe íe. 1995 nøngkí Pindvp shvnvng rvgaq taq Myayzayin Rúngkí Dvrá shvng chømpøt tøngrà vwál ra yv:nga. Pindvp aming írvt vsvngrì gø svre nø vcíl mvne shìnì gø vcíl shìrà e wa vl vsvnrì shø:ne. November shvlá sa:rí Pinla 2 pe Pindvp shvnvng Rvmá koná taq kan wàlám Nga ládi yángkí vmá:ngaq mì rvt vkvtnø chømrì vcíl shì dvzá:rò we íe. DVB

VDÈNVNG CINGGØ KAQ SHÓNGNØT LAQYÀ DVTVN WE

Min azuya nvng KIA/KIO rì dvhø mòngzølwe tvra ma:vl mvzvn bøn rvt Mnzvn vtshìwe Vsvng <30000> gø dángte dvpvt Kønì rvgaq vlwe vnvmchvng Kángrì í tøòwe vlu Cen <500> dángte ína íe wa shø:ne. Norway tuq Kángrì í tø:aq maq vlurì nø Yangon taq vlwe Káng Svra pèla Rev. Thawng Kam nvng Mrs. Dar Nawn Tial maq í Kachin Baptist Convention mvdò kaq svng 11956500 Lvp 17,112011 ni taq tvle aqma wa nø Laiforum í Mr. Van Lian Thang kaq svng vru òwe karu taq vbáwe íe. India Mungdan Mizoram taq vlwe Káng shvngømré rì yángkí <522000> Lvp, Denmark tuq Káng rì yángkí <5500000>lvp dángte, Kángmung taq tévtvng íwe Zomi Baptist Convention, Chin Association For Christian Communication, Haka Myohaung shvngømré nvng Australia tuq Kangrì í shvri Gømsung <7414000> lvp kaq svng cing vng we Shaqrérì taq kèní shvri aqma wa sháshì e. Wedvng nvng cingdø Mizoram Aizo vl Lairam Immanuel Local Church Pongdaw tiqpe nø "" ngamaq í nø Ny Ngan Ye rì parì shønlám ma:vl. dvshá mvhøt nø íwe Vsvngrì kvq mvréza bvnli waì we íe"" wa shø:ne. Australia mungtaq vlwe Kang shvngømré 12 lòng taq kí Dollar <16507> Min Gømsung íkí <12545320> kaq svng Australia taq vlwe Kachin Assocaition Of Australia kvq svng tvle ònø KAA kí vrá Vpuq mung kaq svng cing vng we Shaqré rì vrá shvri aqma we íe. Mvdvm rvm tvq dvtvn shìwe Gømsung nø Cen <370> íe. USA. Canada, Sweden. Czech Republic, New Zealand, Malaysia taq vlwe Kangrì í tøò we vlu kadang te íe wa long mvshá shì we írvt shvngbe nø Cen <500> dángte ína íe wae. Zvng vrvm taq vlwe Kangrì í Mvzvn bø:nø dvshà we Vsvngrì dvpvt vlebø:ìwe <2> dvgvp kí Vlu tø:ò we íe.

ဗမာအစုိးရ၏ ေအာက္တန္းက်သည့္ လုပ္ရပ္ေတြ အခ်ိန္မေႏွာင္းမွီ ရပ္တန္႔က ရပ္ဖုိ႔ သင့္ပါၿပီ။

WHAT IS TRUE?

Immanuel Shvngømré Í Kyawtu Svng Doctor Vmo Zíò

Vsvng pvn dvcì marvwìng dø dvzvq shìwe írvt Emanuel shvngømré rìí Kyawtu svng vmo zíaq mà. We vmo Immanuel Theological Institute , Union Biblical Seminary , International School Of Theology nvng Online Bible College International kí tubu:mò nø Immanuel shvngømré í zí òwe íe.

Kyawtu ínø dvshà vsvng rì nvng Gømsùng madá vsvng rì svng dv:ngò we íe. Vng lvmboqmè Daw Myint Myint Khin Phay Shwe Zigwet svng gø zíaq mà. ""yalòng Gømpaq lunlám rvt Vsvng shì vnvng rvda we bvnli wà:ngòwe mv:í. Bøngté lámrvt bvnli yalòng wà:ngòwe mv:í tiqgø nø tiqgø tasvng dvbvng kélám nø mvdøng íe wa Kyawtu shønwe íe.

Bùmbo Aqmìwe Chømvngkvngpè Svng Tvpmò

Myitkyina Thida yáng bo aq mìwe Bùm nvng cing dø chøm vngkvng pè kvq svng tvp maq mà wa chøm shvnvng rì shøn we íe. Myitkyina Thida AG noqngøm chøm shvnvng tvq vlwe Vshaq Dingyau Tang Gun kvq svng chøm vdúng tvq bùm wàò ke bùmbo we íe wa cip láò nø tvpmaq ma. Vsvng rì shønwe nø Min Azuya rí Myitkyina Myuq kvq svng Pin dvrá <စစ္အုပ္ခ်ုုဳပ္ေရး> í øplún lámrvt vngzvng zvng tvq bùm dvbo òwe íe wae. Bùmbo lùng nvng cing dø nvmlvt nø Cycle kángwe vsvng tiqgø í dvrèmv-cheq dvgup dvq:à yángkí bo dø shøn we íe. vkvt nø chøm vngkvng pè svng vrá tvpmò we íe.

RFA Interview

13,11,2011 Myitkyina Bùmbo Zvng Taq

13-11-2011 <7:45> pm í Myitkyina Thida mvring Vshaq Dingyau Tan Gun í shø:lo we Vpuq Sømpi møt mvdò rì nvng 10 dán Zùngmàng rì Tution shvngøt shì we Vpuq cèrì 40 gø dángvl we chømtaq bùmbo aqmì we íe. we zvng taq Cvmre 12 gø dángte shì nø lvngré tiqgø nø vgomvcì møt vlvng ínø shìaq mì. Cvmré tiqgø nø bùmshaq lò:ngí dvzel kéò nø AG noqngøm chøm mvdvm ram kí vnvng long tøaq ma. Cvmré 20 gø dáng te Zirung yang zìzí shìe. Bùmdvbo òwe kagø íwe mvsháshì we íni gø vsvng rì shøn we nø " vkvt bumbo zvng taq nø Vpuq ceri paqzi cvnshì we shvra íe. Min rì í dvbo ò we ína íe. Min ri ínø KIO/KIA svng wa mv:í Vpuq wa bøng vsvq ri shvngbe svng shvt lam wae íe. " Svmi vkvt nvq mi we chømrì nø <1> Vshaq Dingyau Tan Gun <2> Paga Naw Ring ♥> Vshaq Lashu Pong Nung <4> Mashaw rvp chøm ri íe. yalóng nø Myitkyina taq tévtvng we Terrorist bùmbo we íe. yadø bøn rvt nø Vpuqdvcicè rì shvngbe svre we mv:í dø vkvt nø Gvray yang vjurøt só:rí vkvt nøngmaq í pa wára we walòng rvwing shì ràá mì. Jinghpaw Kasa

Benny Hinn shvngøt kà sv̀ng nàyáshìnø̀ng!

Posted by Vwiqwang Jerry on October 27, 2011 at 6:00am
from kagabuce

Vnvm vchv̀ng rìé! Benny Hinn a:ngí shvngø:tnò we mvshøl nv̀ng a:ngí public crusade taq wàò rì nø Shansher Kàru taqò shvngøt kà nv̀ng màbóng we gvzà wàò rvt a:ngí shvngø:tnò we mvshøl sv̀ng Shansher Kàru taq shupwa dvtøp èlúnnø̀ng nø shvlae. Ang gvzv́mshì dø Vkàng Yesuí gø, dvzv́r rìí gø mvwà yà:ngò. Vzv̀ng mvme nǿng vléá:mì nø Chiang Mai yv́ng Chiang Doy market tø̀m taq gø Seminar a:ngí wà yà:ngà. Wekvt ngà chø̀m mè angpè nø gvzà zén pè í nø, Benny Hinn wepèí jø̀ngjǿng dvban lú:nò má, wa shálv́m rvt angmaq mvrìng kení nezøq tiqpè sv̀ng dvzv́r ya:ngà nø, wegǿ vne yvngshìlv́m a:ngí vjurøtna yà:ngà dá:ngí, neí yv́ng lún bǿngà wa nàkiq, vl ya:ngà we nezøq wepè nø mvyv̀ngò ke nø kadøwa yv̀ng bǿngàe nø lvwvngnø̀ng wà lú:ngì kvt, weyv́ng kø̀m we vsvng loksok rìí vhøò cha yv̀nge. Wepè nø deni høq nezøq we mvrìng yv́ng vle. Wervt a:ngí wàò rì tékaq nø Shansher kàru taqò shvngøtkà nv̀ng màbóng rvt gvzà nàyáshìnø̀ng. Angò crusade gø KGB taq mèzv́ngnø̀ng nø shvlae. Zitnøt èlv́ngnø̀ng. Shvngøt ra kà vrv̀m sv̀ng màdvtøpshaq kv́mdv̀ng mèwànø̀ngni. Dvzv́r Kàru 17: 11 taq shø̀:nò we Beria vsv̀ng rì taqkení cvnshàì. Gvray bvnlì jø̀ngjǿng wa vsv̀ng dø vshv́me má? Yesu nv̀ng dvzv́rrìí za vsv̀ngrì dvba:nò dvgvp yapèí dø wà yà:ngà ma? Mø̀íni, kv́m vsvng rìí Shansher Pvlacè lúnlv́m Yesuí yadø wà yà:ngà ma? Dvzv́r pèlaí wedø wà yà:ngà ma? Namaq vdèdèí èdaknø̀ng!

Jerry

Benny Hinn mvshøl pvngyv́ng link taq èrønø̀ng.

http://www.blog.joelx.com/pastor-benny-hinn-fraud-scam-divorce/4863/

DVNGPÈ TÒ MÍTÁ KIA Í WVPMÒ

Min Azuya rì Dvngpè Mandalay kí Myitkyina svng tòdaq:a we Mítá No 1204 chvng Nammadi nvng Mayan dvhø taq svgíyaq 1:30 dvgvp KIA Pindvp 11 rì í Bu:mí dvbo aqma wae. we chvng Mita taq mong vsvng rì zunshi w ma:vl. KIA kvq svng gvsvt lám rvt dvngpè rì shvle
ò we íe.

Help us!!!!

MÌN RI I...

KIA KAQ SHVRI Ò KÀRU

Apuq Vsvng rì vdènø vdè tasvng vshvt kenø mèpvng mèyvng mvshøl manvp we tvra rì ma:lám rvt Pi-du-zit <နယ္ျခားေစာင္႔တပ္> kí Shaqré <9> gø í KIA/KIO gomadi svng Oct 28 tvq Karu shvri aqma. yalò karu vru ò nø shvri ò we nø Vshvq Sakung Dingying, Rvkwi Pong, D Khunmyat,

Lasvng Aungwa maq íe. karu tvq Vwvp kewe tvra rì nvr lám, tiqdvciq mungzø:lám <ထာဝရျငိမ္းခ်မ္းေရး> rvt íe. yalong karu nvng cingdø KIA/KIO kaq svng røtnò kvt Bvnli zømshu íweVshaq La Nan nø yadø shø:ne. " Shvngkà nø táshì e. íwe Dvrá shvng dø ngamaq yáng mvtuq daq wae". Apuq shvngka rì dvhø tvq shøn we nø yalong karu nø Min Azuya rì í tvlu vru shvq yáng
Pi-du-zit vgo pela Wur cèntú shìwe íe wa Centú shìwe shaqré rì kvq røtnò nø sháshì e wa shø:ne.