Laqni svrxng ra i we shaqre vni gx vl we wa e. Tiq ni nx angchxm pe i angchxm me svng " darling a! tiq yvng yvng vse vmshi le" wa rxt shi e wa e. Ang chxm me gx sho sho wa ce " O..shvla e lo... co le." wa tiq dvshaq i vtvn shi e wa e.
Angchxm pe i angchxm me svng " Lo.. na i modo chvng e kvngo, nga nx nvrxm yoga vdang rvt ..". Angchxm me gx we dx ma dvha shi we mvme vle a:mi rvt mvnxk la dvbu a:mi nx modo chvng nx hwi hwi wa dvcher longa wa e. We kvt nx angchxm pe nx mvnxk la svre longi nx nvrxm chvng nx bvnli mvwa a;mi, gxnshaq gx we lang i ni vmvng a:mi wa e. A:ngo pvlace nx muqlang svng tiq dvshaq i rvlvng a:mi wa e.
Angchxm me i shaqre pe gxnshaq vle a:mi we svng yvng bxa kvt ang gx gvza gvjung a:mi nx, modo chvng i gx tvra shvnvng yvng MIDAY tvrong tiq gung dung wa dvyq bxa wa e, Shaqre me gx gvza sung dx dvlma lun bxa rvt,zirung modo i zirung svng tiq dvshaq i dvcir bxa wa e, ICU yvng 3 ni rungke gxnshaq dvt a:mi wa e. Shaqre me pvlace muq lang yvng tuq a:mi ni nx, tvra yvng angchxm pe nx chxmyo re ce tiq me o dwe shi nx tiq dx di we svng yvng bxa wa e.
"WE! kadx e wa ka i e lo?" wa angchxm me i angchxm pe svng rxt o ke . Angchxm pe i ra "O nga ni kungrvn shi shi ke, nga nx na o nx shi ni hxq tiq dx vl lvm i e wa ka ciq rvt shxng ya:nga , a kvt nx shi bxsha rvt..??????????"
Yesu i yadx wa shxn ya:nga.Mati22:30 yvng "Kadx ie wani zun long we taq nxzvmi lu shi we gx,zvmi shlovm wegx mavl,Angmaq nx muqlang dvzvrri dx i longe" wa e.
Muqlang mongdvn yvng nx cvma re nxnga re wa we mavl , gx vrvm nx angnvm angchvng wa i e, gx vrvm nxt mvsxn nx shansher we nxt mvsxn i rvt, vle shi lvm gx mavl,mvra mvl we mongdvn i rvt nx muq lang mong dvn nx byo vtvng we vl ra ie. Muqlang mongdvn svng tuq lvm dagx shi shaq e i ma? Muqlang mongdvn tvra svng ..na i la elun bxa ma?
from Kagabuce Hxmra Social Site
No comments:
Post a Comment