KIO RI O GANI RI MV:I WA SHA DVZAR

Sam mung Muse lvp tvq Min ri i tvp mo we Gani ri nx KIA ri o Gani mv:i wa shx:ne. MinAzuya ri i cip la we gvza vlrvt Gani vmvng hxq shvmxl lam gx gvza yvk nge wa angmaq shx:ne8,10,2011 taq dvkv:ngo we < Myanmar ahlin> shvngka karu taq Asuya dvp ri i Muse myu Detganyng mvring taq be <60> gwaq we piba vzxp chxm taq dvngpe ri nvng KIA mvdo ki Agyi dvzik nvng vhkring bvlaq tiqke nxt vsolzi <1020> gxm nvng we shvnvng chxmg tiq long taq gx vra nxt vsolzi 521340 nvng zi angkxm wa jak tiq long, zi vdxl rungdvng 4 long nvng rawe dvre angpvn pvn tvp mo e wa vru o we ie."" Gani ri tvp dvpe shi so:ri Gxmsung rxt shi nx Vsvng ri svng shvlv:ngo we rvgaq ie. vkvt nx nga maq xpkvng zvng taq mvi wa KIA DAP 4 ki bvnli ri shu Vshaq Zau Raw shx:ne. mvzvn vwvp ke we mvl mongzxl we rvtx 2006 taq gx we rvgaq KIA mvdo i GANI vmvng lam rvt bvnli wa o long svng gx Phin vsvng rvku:lo e,, Gxmsung tx o e wa Min ri shxn nx vgvm we gvza vlrvt we mepvng nx we rvgaq taq GANI vmvng hxq gvsvt vjxn we bvnli mvwa bx sha wa shx:ne. Kutkyaing nvmsar tibxrtut Min phinla ri lvngpvng taq vlwe Shau Haw mvdo nvng Lon Htang mvdo ri ie wa Zau Raw shxn we ie. "Miwa vsvng ri vba we byi du sit mvdo ri nx vzvng gx Gani kvt,, gani wa o we ie. KIO/KIA kvq svng vzvng Gogan ri kaq gvsvt no nx vshin dx wa lam wa rvt wao we ie"' wa Min-Miwa rvgaq dvrxt taq vlwe Phin dvng nvng sing dx mvrv:mo we Vshaq Aung Kyaw Zaw shxn we ie.