MSF MVDO THAI MUNGDVN KI LO,, MIN RI DVPVT DVSHA LAM DX I

Munggvn Vsvng dvbvngshu i we zi Svra mvdo Thai mungdvn ki lolam i bxi rvt dvra mvshvng dx vlwe Min mung vsvng ri Gongsha dvng shishvn we dvbvng shu mavl dvq rvt gvza yvklam dx i e. October 5 ni tvq dvkvng ngo we shvngka tvq MSF nx 35 nxng dvng te Thai mungdvn tvq bvnli wa ra sha we i ni gx Thai Vzuya ri gvza vtu we vl rvt angmvq bvnli ri nvr lam ie wa shx:ne.

wervt dvra shvng mvi we vsvng ri za dvq kvt zi zi shi lam gvza rvzvq a mi wa ki Naing Han Thar shxn we ie. MSF mvdo nx Tahi mungdvn tvq vlwe dvra shvng vsvng ri nvng dvra mvshvng vsvng ri shvngbe svng zi zi o mvdo iwe ie. Thai mungdvn tvq dvra shvng vsvng mvi we 1.5 wvn dang te vl we ie. we yang ke ni 90% nx Min mung vsvng ri ie. ngvm shi ri nx Combodia nvng Lao vsvng ri ie. Belgiam Mungdvn tvq mv:ngu shi we MSF mvdo nx 1976 nxng tvq Thai mungdvn svng gung ra

i nx Kaqli, TB i za ri svng dvpx mvlu shi dx zi zi o we ie.