Rapshàì
Longsùng dvhø vyø tiwang, tishú tìma pvlonge. Eyangòni mølshøm høngla dvngdvng írae. Tiqmaq nø meq lvm dø íe wae.
Yadø tishú vdørshì dvhø, vkupnø hí dvbaqtaq daqtushì, shøki kvt zømo, shaqmè shvlshi, svmi wvrlam dø vsorwe vkop vneí vdaqowe rvme kupa svng Rvpshi yvnge wa, léshì yvngewa….
Tiq baq baq børin dvkaq í ngvt mvwa shøgøm daqtu bøòkvt “Nga shøgøm tuò dvrvt Muqí vkvt ta søn søn leq rúé” wá dángi long tiq chvng bluk wa la ò ni vlé yvngewa. Zaqwe shaqrvt rvme kupa høqyangà. Mvnggá tuq yangì.
Vyá kà møí, dvtá kà íe. Rvpshilvm paqzi Vkupmí shengøt ráshà. Mvnggá tuq rvzaqwe Vkang lvpa:tní dètárashà. Mvngga tuqhø modo í dvcershìpvn mø í, Nvmbøng shøku mvrí màrí gvt zún nø tuq mvlúnshì. Longsung dvhø, tima dvhø, børin vgo mvdvm lenø rapshìrà. Shøwani yøp jvm mø í. Zik gú yin nangòe rèpønshìdaqní… Nvm shini laqgá kayo mvwa. Naò shøki dvng meshè mvngshì. Kupa nø metuqke Vsangí nahø atne. One two Séng wa kayo í medè búngvt. Na nø na wa dit nit dúng wa èngvngshi. Ebúng. Èrvp shì. Rap shigø rvme kupa tuqe. Rvpshìrae. Leshìrae.
Nøngmaq RYU mvdògø Rapshaìke “RAPSHAIKE” DVD Karaoke wawe mvnggá tuq bøshà. Dvmø jejú nvmlat oqà. Bungsøp èwà ráshà mvgam rvpla, Svrarì, Shøngni Langlìrì, Langrerì shvngbe svng go ngøm shøng vpø mvr dvtanòe. Yalong bønlvm kadvngbaq vgo vhømì ni wedvngbaq vzer kéì. Shvrá manì. Jé jé waìke mé mé gø walóngshà. Dømpa íni todøm jvngshà. Iwe, Íwe shøki wawe muqhøm shaqí bønrvzaq bvnlì long rvplóngshani mvnggá lvtuq lóngshàni..í.. Shvre himal tvnungì ká íe.
Ló.. deni èngømráshà Vshé Nawang Rvwangce, Gvmsong Nawang Rvwangcerìé… Rvme kupa Rapshaì. Kagø svnggø mècani. Mvnggáí mvng ècae. Rvmekupanø Naò shór mvngga íe. Ngór mvngga íe. Cangdange wae.. Rapshàìyó….
svng dong pervm on October 19, 2011 at 9:46am(kagabuce site)
No comments:
Post a Comment