xngjxng ladvng

Vsvng gx vrvm taq lvpvt tiqlong v:le, or Vsvng tiqgx tvq(Vsvng tiqgx wa we nx Chxm Vsvng tiqrvp,, Vsvng pvn tiq dvci,, Mungdvn tiq mungdvn) welong lvpvt kaq svng
Jor dx wa shvla dx Vsip dx gx wa shvla e. Jorwe Shemo lunlam rvt zilam, mvzi lam gx Gvray ang War taq v:le. dvzaq shi lam bvnli nx nxng mvq
Vsvngri bvnli ie. wedx dvzaq shi lun lam rvt Gvray i nx shanxt nyvn paqzi rvwar shawe shanxt,
ziqnxt vzi shvq i e. rxmnvng tiqpa ya dx wa shxn rai.
" ya Apuq ri i ngamvq Rvwang ri svng mvring kxp vshvt yvng sha. vkvt gx wedx ni vshvt ie. "
wa nx shxn rai. ie joe. vle:ami we rvtx tvq bxn yv:ngi we tvra ri gx vl yv:ngi. wervt Apuq rxmnvng
tiqpe svng nga i rxt no nxng " namvq RW ri nga mvq DUWA tiqpe svng vzvng eshvt yvng sha rvt
nga mvq gx rvlr teq sha so:ri mvring kxp shvt yv:nga we ie wa shx:ne. nga i nx kagx joe, mvjo
wa long nxrvwal mvsha ngo.
Ka shvbung tiqlong shxn mvyx:nge. munggan Mvzvn 2 baq wa baq tvq American
ri svng Japan ni phin dvng sip la:o rvt American ri i Japan svng Anumyu bum la o nx wap yv:nga.
welong mvshxl nxng nxng maq shvngbe paqzi zung ri tvq svn shi yvng sha we ie. American:i Japan
ri svng Anumyu bum:i wap yv:nga rvt Japan Vsvng ri angcx angce,angpvli maq bvn hxq dvsha ra i
we ie. Anumyu yalong mashvla we sha o ni gx vjule shi yvng zvng dvtuq lang
dvq:a we ie. Anumyu yalong nx mashvla yang zxm dvng dx mashvla yvng gx zxm dvng we ie.
American ri svng Japan ri nxt mvshxm nx tvle teq shi nx mvzvn vra dvbu:ngo we ini nx Japan
mungdan wa nx deni munggan taq da mavl ni. ini gx Japan ri i nx American ri nvng bxn yv:ngi we
shiwvt dvka long nxt yang mvri:o. American ri i nxng mvq Japan ri svng Anumyu i ewap yvng sha
wawe mvshal pvra rvgaq tiqzvng vkvt hxq shvq taq mana dxmrx dx gv:lo e.
American ri svng nxtza rvt gv:lo we mvi. Japan ri i nx American ri svng mvra mvya:nga:o.
angmvq dvzaq shi rvt deni munggan tvq vhvngwe mungdan tiqlong i lu:ngi. deni Apuq ri nvng
bxnwe tvra nx nga nxt yvng kadx dvdv:mo ma wa ni Mvzvn svmi i gxmke owe zvng tvq vl vdu rvt
shiwvt yari bxn we ina ie wa lv:no e. vle bx:i we rvtx tvq bxn we tvra ri nvng deni la bxn we tvra ri
nxng mvq i nxt yang mvri dx chuqgul ri nx vde rvgaq vhvng lun lam rvt na nga wa we nxt
mvri dx tiqnxt tiqmung wur vzx:mi nx vzvng tvra ka dvng te shvla ma???
pawa ngai yadx shx:no ma wa ni
deni la Europe Countries vhvng ma???
parvt nxt vzxme ma?
<1> angmvq nx Ka vbu:nge. <2> tasvng vrvm vra e. dvga dx gx gvza v:le. ang mvq nx
angdvngdvng tvq vhvng lam rvt wa shie. nxtvzx:me,dvbvng ke e. angpvnpvn tvq nxt
vrae. Vsvng tiqgx tvq vde:o dvci, Mvshxl mvyvng, Tonglvqya, yvmbvn tvra i dvng te nx vbu:ngi rvt na
nga wa shxn lam pagx ma:vl. ka shvbung Apuq dvci tvq vba i we RW ri o yvmbvn mvshxl gun lu:ngi
dvgvp shvngbe nx tiq yvng svng wa tuq e. India,, Miwa , mungolia,
Thailand,, Apuq mung ri tvq Apuq dvciceri gvza vlwe svng deni la Yvmbvn ri gun lu:ngi kvt sha shi e.
deni Apuq dvci tvq vba i we ri i mungdvn lun
dvq i kvt Europe yvng Europe Countries vldx tiq dvcha Apuq dvci ceri v:liwe India.. Miwa.. Thailand,,
Mungolia,,Apuqmung tvq v:li ri gx vkvt Euro mungdvn ri i dvng wa i dvq e wa long sha shi e.


(Nim shi we,,,, yari tvra nx tiqmvq nx xngjxng gx bxn yv:ngi we mvshxl ie. Shaqre ri i
shxn ka ri tvq ke ni lu:ngo nx nga i dvdv:mo ri vru shi we ie. gvza sha ngo rvt vru shi we mv:i.
Paqzi gx ezi dvq sha.)