Agni svng shvla i a;mo nx shvla svng angnxngi naqoe..vme i elang ra;ngawe rvtxri 5 nxng vhxma;mi..Vme nvng vlyvng sha lvpat 5 ni wainx vmei elangra:ngawe nx 5 dvciq dx lvnoe.vme svng shongshxnge.vme svng nxtne..vme a,wa go mvyxngwe mvrxt neci deni hxq yx matvngo vmee..vme jeju oqa wvng so:ri vme mvshvm mvshxl angdongce gung mvyxnge..vme nx Shaqpe Waqdvmkong Pong nvng Shaqme Nvnghx Nvng ni angce nongtxmme kur ie..vme nx cvmni keni bangmvnx nxtkxn nx peme vlatri ka taya;ngi....chxmyo svre ilu;ngi ke shaqpe Svlxptaq Pong dvsha nvng shaqme Yintvng Nin ni angce nongtxmpe pi o shvgrem rvwa taq Gvray mvrdvng shvzxngshi ya;ngi..Gvray bvnli washu vpe mepvng zvn nx Kobude,Putao gwxrwang vriqya;nga..Vme nx mvre zanxt zxnge..ishxt pxnge..ka,waq,nina i yulkeoe..kvn yung kvt nx mvzi dvyx dvzi;ngoe..mvnvm zaqle vto neshie..Gvray kaq nxtlxmme.angri angyang kaq nxt tuqe..Vpe kaq nxttxm shie..angceri kaq gvza shongshie..nxtshxp dvdiie. shvraq chor gx ie..bang mvnx ce i so:ri Lisu,myen,puq ka angpvn shaoe..kamvgvm shxn mvshao..dvrxq nx hershi mvshao..mulaqdan paqzi wa cvnshi ya;ngi nigx dvdvm nxt nx lvpat zidvng rxnkeoe.vme nx ngao shvngxtshu shvla gx ie.vmei detu shengxt kari vpx vtvngie.Vme nx dang vrvm taq dvmvn shvlawe ngao rxmnvng shvla gxie.. .vme nx zayvng nvng dvsha lvm yvklvm ri kadvngte vhx;mo ni gx txnzvn nxt dvnzxnge..nxtdatwe ka bvttut mvshxn yvng..basha gong shaqcvm mvnshi ni gx kvmnxt shvdxng shi nvrxm dvteshi so;ri vle lvngdxm ni hxq nxngmaq o shvre gvba washi rai.. .vmeo nongti i deteng nx vmeo ku;nga i tu ebum yvnga we Vme jeju oqa wa mvtxmshi..Mvjina myuq,Rvmbudvm mvringx vlke 19,9,2006 nitaq Gvray mvrdvng tuq ya;ngi we shongshxng Vme kaq mvrxt mvshvm wvngwe karu ie.shvla vtvng we Vme ezxng yvngawe Gvray kaq oqa..
.Vme mvrshvm
Written by ti slt on September 19, 2011 at 5:30pm
from kagabuce hxmra
No comments:
Post a Comment