Vshaq Dvng lvp we kà vrá tiqkvt

Kàyv́ng màyv́ng nàshinv́mshà we vdè dvcì cerì shvngbe kaq pàmvrà wvnge. Namaq shvngbe dvpvt nv̀nnv̀n jurøt dvba:ngìe. Namaq shvngbe sv̀ng mànáì nø dvda:mìe. Vdè dvcì cerì shvngbe sv̀ng shá dvzv́r mvyǿng we nv̀ng vrashì mvyǿng we nø yadø íe.

1. Nøngmaq nø kagǿ nv̀ng gø vzi vrùng wàlv́m, vshvtlv́m bvnlì mvwàì. Kagǿ nv̀ng gø vrv́m vrálv́m nøt wa nøngmaq nø a:lì we íe. Tiqdv́ng vsv̀ng rì nv̀ng vzi vrùng wa nø vshvtlv́m nøt nø nøngmaq taq bvttut màvl, wa lòng shá dvzv́r mvyǿìe.

2. Vní taq nø Shansher Kàru taq shvngøt dø tiqdvchá nøngmaq nø móng øp vzúyaq sv̀ng vpǿ ràe, wakà dø cà:nì nø vdè móng vdè rvgaq hangshì lúnlv́m dvzaqshàì lòng íe (Rom. 13:1-7; Tit. 3:1; 1Pt. 2:13-17).

3. Yanila móng øp vzúyaqí nø vdèdè móng vdèdè rvgaq dvcøp èhangshìnø̀ng, wa nonggùn zi we nv̀ng vkv́ng zi we vl rvt yalòng vkuyt vyé lushì nø cancan vdè móng vdè rvgaq dvcøpshì rà, hangshì rà we rvtø̀ shvlá íá:mì. Wervt vtv́ng èlúnø̀ng rì shvngbe nø nàtv́ng ránø̀ng. Rvtø̀ shvlá èzíì dvgvp vdè móng vdè rvgaq tiqdø dvcøpshàì nø hangshàì, wvng vrì:ngì we íe. Nàtv́ng ránøng gǿ nø ngà yv́ng èshǿnshì ránø̀ng. Vdè móng vdè rvgaq hàng we bvnlì dvpvtlv́m íe. Pàmvràe.

Vshaq Dvng lvp we kà íe.

Written by Vwiqwang Jerry on September 16, 2011 at 5:15pm

from kagabuce hxmra